KASE-degi saýda kólemi tarıhı eń joǵary kórsetkishke jetti
«Aǵymdaǵy jyldyń 10 aıynda KASE-degi operatsııalar sany tarıhı eń joǵary mánge - 130 trln teńgege jetip, ótken jyldyń osy kezeńimen salystyrǵanda 67%-ke ósti. Aktsııalar naryǵyn kapıtaldandyrý 16,9 trln teńgege baǵalanýda. Sonymen qatar KASE ındeksi bıyl ósý jyldamdyǵy jaǵynan álemde úshinshi oryndy ıelendi. Bırja lıstıngisiniń (baǵaly qaǵazdardyń KASE tizimine engizilýi) 10 aıynda túrli emıtentter aktsııalarynyń 11 ataýy ótti. Korporatıvti oblıgatsııalar naryǵynda 20 emıtenttiń 28 oblıgatsııasy lıstıngiden ótti», - delingen habarlamada.
Aıta ketelik, 2015 jyly KASE BUU-nyń «Turaqty qor bırjalary» bastamasyna qosylǵan bolatyn. KASE baǵaly qaǵazdar saýdasy boıynsha TMD bırjalarynyń arasynda ekinshi, FEAS (Eýro-Azııalyq qor bırjalarynyń federatsııasy) aktsııalar naryǵyn kapıtaldandyrý deńgeıin boıynsha altynshy orynda keledi.
