KASE-degi saýdada dollar taǵy arzandady
ASTANA. KAZINFORM — Qazaqstan qor bırjasynda (KASE) shetel valıýtalary naryǵyndaǵy kúndizgi saýda-sattyq aıaqtaldy.
Saýda qorytyndysy boıynsha AQSh dollarynyń ortasha baǵamy 467,41 teńge bolyp, aldyńǵy kórsetkishpen salystyrǵanda 0,86 teńge tómendedi.
Qazaqstan Ulttyq bankiniń 9 shildege belgilegen resmı baǵamy — 467,98 teńge.
Kurs.kz málimetinshe, Astanadaǵy aıyrbastaý pýnktterinde dollar 465,00 teńgeden satyp alynyp, 472,00 teńgeden satylyp jatyr. Eýro 532,00–542,00 teńge, al rýbl 5,70–6,00 teńge aralyǵynda.
Almatydaǵy aıyrbastaý pýnktterinde dollar orta eseppen 467,74 teńgeden satyp alynyp, 469,89 teńgeden satylyp jatyr. Eýro 533,24–585,48 teńge, al rýbl 5,79–5,92 teńge aralyǵynda.
Shymkentte dollardy orta eseppen 467,98 teńgeden satyp alyp, 470,02 teńgeden satyp jatyr. Eýrony 534,00–540,00 teńge aralyǵynda, al rýbldi 5,79–5,87 teńge aralyǵynda aıyrbastaýǵa bolady.
Eske salaıyq, 8 shildedegi kúndizgi saýda qorytyndysy boıynsha dollardyń ortasha baǵamy 467,98 teńgege túsip, aldyńǵy kúnmen salystyrǵanda 2,76 teńge arzandaǵan edi.
