KASE-de dollar nege arzandap jatqany túsindirildi
ALMATY. QazAqparat - Qazaqstan qor bırjasynyń basshylyǵy baspasóz máslıhatynda valıýta naryǵyndaǵy jaǵdaı men 2018 jylǵy boljamdar jaıynda baıandap berdi, dep habarlaıdy QazAqparat.
19 qańtarda tańerteńgilik sessııada KASE-de dollar 323.10-324.61 teńge aralyǵynda saýdalandy. Osy oraıda amerıkalyq valıýta arzandaǵany baıqalady. Valıýta aıyrbastaý oryndarynda teńgeniń 1 AQSh dollaryna shaqqanda ortasha baǵamy 324,5- 325,3 teńgeni qurady.
«Bizge munaı baǵasynyń ósýiniń áseri de jetti. Ekinshi faktor - aqsha naryǵy dástúrli túrde bazalyq stavkanyń tómendeýine tıisti báseńdeýmen kórinis berdi. Alaıda ulttyq valıýtanyń nyǵaıýyna áser etken eń basty faktor - ol naryqtaǵy teńgeniń profıtsıti. Teńge baǵamy nyǵaıyp keledi, bul óz kezeginde aqsha qunyna yqpal etýde», - dedi Qazaqstan qor bırjasy basqarma tóraǵasynyń orynbasary Andreı Tsalıýk.
Budan bólek, ol bırjadaǵy jaǵdaı boıynsha 2018 jyldaǵy boljamǵa toqtaldy.
«Qazaqstan ekonomıkasy qalpyna kele jatyr, osy oraıda memlekettik baǵdarlamalardy eskermesek te, naryqtyń belsendigi artatynyna salmaqty negiz bar. Biz iskerlik belsendiliktiń joǵarylaıtynyn boljap otyrmyz, onyń ishinde naryqqa shetel ınvestorlary tartylýynyń úlesi de eleýli bolmaq. Shetel ınvestorlary kelgen kezde, olarmen birge dollar da tartylady. Bul óz kezeginde teńge baǵamyna ońtaıly áser etedi. Sebebi olar valıýtany satady, al satyp alynǵan teńgeni memlekettik baǵaly qaǵazdarǵa ınvestıtsııalaıdy», - dep toqtaldy A. Tsalıýk.
Barlyq aıtylǵan faktorlar korporatıvti oblıgatsııalardyń artýyna alyp kelýi tıis. Sondyqtan onyń kólemi edáýir ósip, aktsııalar kóbeıe túsedi. Jalpy, KASE aqsha naryǵynda kólemniń artýyn boljap otyr.
