KASE bırja alańyndaǵy saýda-sattyq Frankfýrt aýktsıony nysanynda ótti
NUR-SULTAN. QazAqparat - Jahandyq qarjy naryqtaryndaǵy qubylmalylyqtyń kúsheıýi aıasynda jáne ishki valıýta naryǵyndaǵy ahýaldyń turaqsyzdanýyna jol bermeý maqsatynda 9 naýryzda KASE bırja alańyndaǵy saýda-sattyq Frankfýrt aýktsıony nysanynda ótti, dep habarlaıdy QR Ulttyq bankiniń baspasóz qyzmeti.
Frankfýrt aýktsıony tetigi aýktsıonnyń túpkilikti baǵasyn aıqyndaýǵa múmkindik beredi, ol boıynsha mámilelerdiń barynsha joǵary yqtımal kólemi jasalady jáne negizsiz qubylmalylyqtyń aldyn alýǵa baǵyttalady.
Aýktsıon qorytyndysy boıynsha teńge baǵamy bir AQSh dollary úshin 510,00 teńge deńgeıinde qalyptasty. Saýda-sattyq kólemi 210,7 mln AQSh dollaryn qurady. QRUB valıýtalyq ınterventsııalary 198,9 mln AQSh dollary, QRUB qatysý úlesi 94,4% boldy.
