KASE basqarmasynyń jańa tóraǵasy saılandy

ASTANA. QazAqparat - Qazaqstan qor bırjasynyń (KASE) Dırektorlar keńesiniń sheshimimen 2015 jyldyń 01 shildesinen bastap KASE Basqarmasynyń Tóraǵasy Maqsat Rahymjanuly Qabashevtyń ókilettigi óz bastamasymen merziminen buryn toqtatyldy.

KASE Basqarmasynyń jańa tóraǵasy bolyp úsh jyl ókilettilik merzimge Esjan Amantaıuly Birtanov saılandy, dep habarlanǵan Qazaqstan qor bırjasynyń saıtynda.

E.A. Birtanov 1998 jyldan bastap Qazaqstan Respýblıkasynyń Ulttyq Bankinde jetekshi dıler, bas dıler, basqarma bastyǵynyń orynbasary, Monetarlyq operatsııalar departamentinde dılıngilik operatsııalar basqarmasynyń bastyǵy, Monetarlyq operatsııalar departamenti dırektorynyń orynbasary qyzmetterin atqardy.

2012 jyly E.A.Birtanovtyń tikeleı qatysýymen "Qazaqstan Respýblıkasynyń Ulttyq Bankinde Ulttyq ınvestıtsııalyq korporatsııasy" AQ qurylyp, oǵan 2014 jyldyń naýryz aıyna deıin basshylyq etti.

2012 jyldan bastap, E.A.Birtanov Qazaqstan Respýblıkasy Ulttyq bankiniń Tóraǵasynyń keńesshisi, sondaı-aq Ulttyq banktiń Josparlaý jáne bıýdjet departamentiniń dırektory bolyp qyzmet atqardy.

Qazirgi ýaqytta KASE Basqarmasy quramy tórt adamnan turady: E.A. Birtanov (Tóraǵa), I.M.Sábıtov (Tóraǵa orynbasary), A.ıÝ. Tsalıýk (Tóraǵa orynbasary), N.ıÝ. Horoshevskaıa (Tóraǵa orynbasary).