KASE basqarmasynyń quramy ózgerdi
ALMATY. KAZINFORM – «Qazaqstan qor bırjasy» AQ (KASE) dırektorlar keńesiniń sheshimimen Mıhaıl Grıshko basqarma tóraǵasynyń orynbasary bolyp saılandy. Al Eldos Qýanyshbekov IT basqarýshy dırektory qyzmetinen ketti.
– Mıhaıl Grıshko 2025 jyldyń 2 mamyrynan bastap 2026 jyldyń 1 shildesine deıingi ókilettik merzimimen Basqarma tóraǵasynyń orynbasary laýazymyna saılandy. Eldos Qýanyshbekovtiń ІT jónindegi basqarýshy dırektor, Bırja Basqarmasynyń múshesi retindegi ókilettigi 2025 jyldyń 30 sáýirinen bastap merziminen buryn toqtatyldy,– delingen habarlamada.
Mıhaıl Grıshkonyń qor naryǵy men qarjy ınfraqurylymy salasynda 15 jyldan astam tájirıbesi bar. Buryn «Baǵaly qaǵazdardyń ortalyq depozıtarııi» AQ Basqarma tóraǵasynyń orynbasary qyzmetin atqarǵan, 2017-2019 jyldar aralyǵynda Mıhaıl Grıshko «Baǵaly qaǵazdardyń biryńǵaı tirkeýshis» AQ Basqarma tóraǵasynyń orynbasary boldy. Onda klıenttik servısterdi damytýǵa jáne kompanııanyń Ortalyq depozıtarıımen ıntegratsııaǵa daıyndyǵy úshin jaýap berdi.
– Onyń basshylyǵymen qyzmettiń jańa baǵyttaryn iske qosý, ishki protsesterdi tsıfrlandyrý, basqarýdyń ıkemdi ádisnamalaryn (agile) engizý, ónimder modelin damytý jáne klıenttik tájirıbeni jańǵyrtý boıynsha aýqymdy jobalar iske asyryldy,– dep atap ótti Qor naryǵynan.
2025 jyldyń 2 mamyrynan bastap KASE Basqarmasy bes adamnan turady:
− Ádil Nurlanuly Muhamedjanov, Basqarma tóraǵasy;
− Dana Muratbekqyzy Amanjolova, Basqarma tóraǵasynyń orynbasary;
− Ermek Bolatuly Májekenov, Basqarma tóraǵasynyń orynbasary;
− Jaınar Naýryzbaıuly Sarjaqov, Basqarma tóraǵasynyń orynbasary;
− Mıhaıl Valerevıch Grıshko, Basqarma tóraǵasynyń orynbasary.
Eske salaıyq, buǵan deıin Ádil Muhamedjanov Qazaqstan qor bırjasynyń basshysy bolyp taǵaıyndalǵan bolatyn.