KASE 20%-yn Máskeý bırjasynyń satyp alýynyń tıimdiligi nede? - Danııar Aqyshev
ALMATY. QazAqparat - Qazaqstan qor bırjasy (KASE) men Máskeý bırjasy strategııalyq áriptestik týraly kelisimge keldi, dep habarlaıdy QazAqparat tilshisi.
Kelisim shartqa sáıkes Máskeý bırjasy KASE jarǵylyq kapıtalynyń 20%-yn 2019 jyldyń sońyna deıin eki kezeńde satyp alady.
«Máskeý bırjasymen kelisimge kelgenimiz Qazaqstan qor bırjasyna senimdi áriptes tapqanymyzdy bildiredi. Máskeý bırjasy da KASE tańdaý arqyly ózderine senimdi seriktes tapty dep aıta alamyn. Bul naryq qatysýshylaryna múmkindikti keńeıte túsedi degen senimdemin. Al Máskeý bazasy úshin rezervtegi múmkindikter bazasyna aınalmaq», - dedi kelisim shartqa qol qoıý boıynsha qorytyndy otyrys barysynda bas bankır Danııar Aqyshev.
Onyń aıtýynsha, Máskeý bırjasynyń birqatar noý-haý tehnologııasy endi Qazaqstan naryǵynda qoldanylatyn boldy.
«Biz T+1 kestesindegi valıýta saýdasyna kóshtik. 1 qazannan bastap Qazaqstan qor bırjasy valıýta saýdasy naryǵynda ortalyq kontragentke aınaldy. Jaqyn arada T+1 kestesindegi saýda engiziledi. Bul shemamen QR Ulttyq bankiniń qysqa merzimdi nottary men QR Qarjy mınıstrliginiń memlekettik qundy qaǵazdary saýdalanatyn boldy», - dedi Danııar Aqyshev.
