KASE 1 qazannan bastap AQSh dollarynyń teńgege shaqqandaǵy baǵamyn eki sessııa qorytyndysy boıynsha jarııalap otyrady
ALMATY. QazAqparat - Qazaqstan qor bırjasy (KASE nemese Bırja) 2015 jyldyń 01 qazanynan bastap shet eldik valıýtamen saýda-sattyq qorytyndysyna arnalǵan óziniń ınternet-saıtynda tańerteńgilik (negizgi) jáne kúndizgi (qosymsha) sessııa qorytyndysy boıynsha eseptelgen AQSh dollarynyń teńgege shaqqandaǵy ortasha saralanǵan baǵamyn, sondaı-aq olardyń qosyndy kólemin jarııalap otyrady.
Atalmysh ózgertýdiń maqsaty Qazaqstan Respýblıkasynyń Ulttyq Banki jarııalaǵan teńgeniń aıyrbas baǵamynyń erkin aınalym rejımge ótý jaǵdaıynda shet eldik valıýta naryǵynda naqty baǵdar qurý bolyp tabylady.
KASE naryqqa qatysýshylardyń nazaryn tańerteńgilik sessııa (negizgi) qorytyndysy boıynsha eseptelgen ortasha saralanǵan AQSh dollarynyń baǵamy burynǵydaı Bırjada KASE ishki qujattarynda qarastyrylǵan ár túrli maqsattarda, aǵymdaǵy kúni álemniń negizgi rezervtik valıýtasynda teńgeniń qunyn anyqtaıtyn kórsetkish bolyp tabylatyndyǵyna aýdarady.
