Kásibin ashqysy keletin astanalyq jastarǵa 2,5% kredıt beriledi

ASTANA. KAZINFORM – Bıznes ashyp, jeke kásippen aınalysqysy keletin astanalyq jastarǵa 5 mln teńge kóleminde nesıe beriledi.

«Jastarǵa qoldaý kórsetý tetikteriniń biri - nesıe berý. Shaǵyn nesıe 21 men 35 jas aralyǵyndaǵy jas kásipkerlerdi qoldaýǵa baǵyttalǵan. Baǵdarlamaǵa jumys isteıtin jastardyń ókilderi qatysa alady. Nesıe 2,5 paıyzben beriledi. Soma kólemi 5 mln-ǵa deıin», - dedi Astana qalasy ákimdiginiń «Eńbek mobıldiligi ortalyǵy» dırektory Oljas Omar Astana qalasynyń kommýnıkatsııalar qyzmeti alańynda ótken baspasóz máslıhatynda.

Spıkerdiń aıtýynsha, atalǵan baǵdarlama óz kásibin ashqysy keletin jastarǵa múmkindik beredi.

«Basty talaptar – kepilge múlik qoıý kerek jáne turaqty jumysy bar bolýy tıis», - deıdi ol.

Buǵan deıin mamandyǵymen jumys istegisi kelmeıtin elorda jastaryna qandaı múmkindikterdiń bary týraly habarlaǵan edik.