Kásibı tehnıkalyq kolledjder jańa mamandyqtarǵa suranysty eskerýge tıis – Toqaev

BÝRABAI. KAZINFORM – Kolledjder jańa mamandyqtarǵa suranysty jáne eńbek naryǵyndaǵy jaǵdaıdy eskerýge tıis. Bul týraly Býrabaıda ótip jatqan Ulttyq quryltaıdyń IV otyrysynda Memleket basshysy Qasym-Jomart Toqaev málim etti.

- Dmıtrıı Pavlenko (Ulttyq quryltaıda) durys másele kóterdi. Kásibı tehnıkalyq kolledjder jańa mamandyqtarǵa suranysty jáne eńbek naryǵyndaǵy jaǵdaıdy eskerýge tıis. Sarapshylardyń aıtýynsha, biraz jyldan soń soltústiktegi halyqtyń sany edáýir azaıyp, ońtústiktegi turǵyndar áldeqaıda kóbeıýi múmkin. Bul – óte ózekti másele. Sebebi aımaqtardyń eńbek naryǵynda teńsizdik odan ári ýshyǵa túsedi degen sóz, - dedi Qasym-Jomart Toqaev. 

Bul turǵyda Prezıdent osy máselemen Úkimet muqııat aınalysýy kerek ekenin tapsyrdy.

- Qostanaıdaǵy kolledjdiń tájirıbesin soltústik aımaqtarda keńinen qoldaný qajet, - dedi Memleket basshysy.

Budan buryn habarlanǵandaı, Prezıdent qoǵamda qyzý talqylanyp jatqan salyq reformasyna qatysty pikirin aıtty.