Qasaphanalar salý máselesi áli de bolsa kóńil kónshitpeıdi - E.Aman
ASTANA. Shildeniń 30-y. QazAqparat /Aıdar Ospanalıev/ - Elimizde qasaphanalar salý isine barynsha kúsh salynyp otyr.
Alaıda arnaıy kelisilgen Memorandýmda belgilengen talaptar kópshilik jaǵdaıda oryndalmaýda. Bul týraly búgin Astanada ótip jatqan I Halyqaralyq mal sharýashylyǵy forýmynda Aýyl sharýashylyǵy mınıstrliginiń Jaýapty hatshysy Evgenıı Aman aıtty.
Onyń sózine qaraǵanda, mınıstrliktegi arnaıy top elimizdiń 3 oblysyndaǵy jaǵdaıǵa taldaý júrgizgen. «Biz erteń osy másele boıynsha arnaıy májilis ótkizemiz. Bálkim ol jabyq túrde bolar. Bul jaǵdaıdy jan-jaqty ári naqty bilý úshin qajet. Aıta keteıik, biz qasaphanalar salý úshin qoldan kelgenniń barlyǵyn jasap baǵýdamyz. Alaıda onyń júrý qarqyny memorandýmda kórsetilgen talaptarǵa saı emes. Bir jaǵynan bul ońaı sharýa emes. Bul úlken shyǵyndy qajet etetin shara. Kópshiliktiń ony qolǵa alýǵa oqtala bermeıtini de sodan. Alaıda zańnyń aty zań, ony oryndaý qajet», dedi Jaýapty hatshy.
