Qasaphanadan qashyp shyqqan sıyrǵa raqymshylyq jasaldy
ASTANA. 14 sáýir. QazAqparat - Nıý-Djersı shtaty Paterson qalasyndaǵy qasaphanadan bir sıyr sytylyp shyǵyp, qala kóshelerinde 1 saǵat boıy júrgen.
Bul týraly The Record gazetine silteme jasap, Lenta.rý habarlaıdy. Qara ala sıyrdy ustaýǵa jergilikti polıtsııa qyzmetkerleri men janýarlardy qorǵaý uıymynyń belsendileri jumyldyrylǵan.
Polıtsııanyń habarlaýynsha, qasaphana ıeleri sıyrdyń qashyp ketkenin bilmegen bolyp shyqty. Onyń eshkimge kórinbeı, qalaısha sytylyp shyqqany áli kúnge deıin belgisiz. álgi sıyr qala kóshelerin aralap, basketbol alańyna kirip, biraz qydyrystaǵan kórinedi.
Aqyr sońynda «qydyrmashy» sıyrdy uıyqtatatyn dárimen atyp, ustaǵan. Qasaphananyń ıesi «bostandyq súıgish» bul janýardy soımaýǵa ýáde berip, jergilikti mal fermalaryna ótkizetinin aıtqan.
Álemdegi eń ataqty qashqyn-sıyrdyń aty Ivonna . Ol 2011 jyldyń mamyr aıynda fermadan qashyp ketip, birneshe aı boıy ormanda tyǵylyp júrgen. Sóıtip tek qyrkúıek aıynda ǵana qolǵa túsken bolatyn. Qazir ol Avstrııadaǵy mal fermalarynyń birinde. Ivonnanyń oqıǵalary týraly mýltfılm túsirý de josparlanǵan.
