Qasaqana kisi óltirip, qaraqshylyq jasaǵan Ózbekstan azamaty ekstradıtsııalandy

ASTANA. QazAqparat - 2017 jyldyń 13-shi naýryzy kúni Astana qalasy aýmaǵynda Ózbekstan Respýblıkasy Qylmystyq Kodeksiniń 97 babynyń 2 bóligimen (qasaqana kisi óltirý), 164 babynyń 4 bóligimen (qaraqshylyq) izdeýde júrgen Ózbekstan Respýblıkasynyń az. «K» ustaldy, dep habarlady búgin Astana qalasynyń prokýratýrasy.

Prokýrordyń ótinishi negizinde Almaty aýdanynyń №2-shi soty ustalǵan azamatqa qatysty ekstradıtsııalyq qamaýǵa alý sharasyn qoldandy.

Qazaqstan Respýblıkasy Bas prokýratýrasy 22.01.1993 jylǵy Mınsk Konventsııasyna sáıkes, Ózbekstan Respýblıkasy Bas prokýratýrasynyń azamat «K-ny» berý týraly suranysyn qanaǵattandyrdy.

17.06.2017 jyly azamat «K» Ózbekstan Respýblıkasyna berý úshin Almaty qalasyna áketildi.