Qarjyny ıgermegen alty mınıstrliktiń tizimi jasaldy

ASTANA. QazAqparat - Qarjynyń ıgerilmeýiniń qomaqty somasy Qorǵanys mınıstrligine tıesili. Bul týraly QR Parlamenti Májilisinde Úkimettiń 2016 jylǵa respýblıkalyq bıýdjettiń atqarylýy týraly esebin tanystyrý barysynda málim boldy, dep habarlaıdy QazAqparat.

Atap aıtqanda, 2016 jyly shyǵystar 8 trln 501 mlrd teńgege atqarylyp, 98,3 paıyzǵa ıgerildi.

«Igerilmeýdiń negizgi somalary kelesi mınıstrlikter boıynsha qalyptasty:  Qorǵanys mınıstrligi - 29 mlrd teńge; Іshki ister mınıstrligi - 1,2 mlrd teńge;  Bilim jáne ǵylym mınıstrligi - 1 mlrd teńge;  Syrtqy ister mınıstrligi - 920,2 mln teńge; Aýyl sharýashylyq mınısterligi - 870,2 mln .teńge; Ádilet mınıstrdigi - 759 mln teńge.  Bıýdjet qarajatyn tıimsiz paıdalaný somasy 2015 jylmen salystyrǵanda 1,7 ese azaıyp 268 mlrd teńgeni qurady», - dedi Qarjy mınıstri Baqyt Sultanov tanystyrylym barysynda.

Onyń sózine qaraǵanda, 2016 jyly bıýdjetten bólingen qarajattyń kvazımemlekettik sektordyń qazynashylyq shottaryndaǵy qaldyqtary 14,5 mlrd teńgeni qurady. Bul soma 2015 jylmen salystyrǵanda 5 esege azaıdy.