Qarjylyq «saýyqtyrýdyń» bankrottyqtan artyqshylyǵy qandaı

ASTANA. QazAqparat – Problemalyq qaryzy bar adamdarǵa «qarjylyq saýyqtyrý» tásili qoldanylýy múmkin. «Jeke tulǵalardyń bankrottyǵy týraly» Zań jobasyn tanystyrǵan Qarjy vıtse-mınıstri Erjan Birjanov ortalyq kommýnıkatsııalar qyzmetinde ótken brıfıngide osyndaı málimet aıtty, dep habarlaıdy QazAqparat tilshisi.

Jeke tulǵalardy bankrot dep tanýdyń úshinshi rásimi – tólem qabyletin qalpyna keltirý. Ol úshin azamattyń turaqty tabysy bolý kerek. Mundaı jaǵdaıda qaryzdy tóleý úshin 5 jylǵa deıin sot tártibimen bólip tóleý jospary qarastyrylady. Bul da qazir zańdy tulǵalarǵa qoldanylyp júr. Endi jeke tulǵalarǵa qoldansaq deımiz, ıaǵnı bankrottyqqa jetkizbeı, saýyqtyrý sharasyn júrgizýge bolady

, - dedi vıtse-mınıstr.

Aıtýynsha, mundaı «saýyqtyrý» jospary qarjy menedjerlerimen birlesip jasalady da, ony sot bekitedi.

Bul rásimniń artyqshylyǵy – keıin adam bankrot dep tanylmaıdy, ıaǵnı keıin onyń jeke bas derekterinde jaǵymsyz statýs bolmaıdy. Onyń tıimdiligi osynda

, - dedi Erjan Birjanov.

Buǵan deıin habarlanǵanyndaı, zańdy tulǵalardy bankrot dep taný mehanızmi problemalyq qaryzy 4,9 mln teńgeden asqan jeke tulǵalarǵa da qoldanylady.