Qarjylyq saýattylyqty damytýǵa arnalǵan alǵashqy avtosherý máresine jetti
; ALMATY. Shildeniń 13-i. QazAqparat /Názıra Eleýhan/ - Elimizde birinshi ret uıymdastyrylǵan "Ár qazaqstandyq - bolashaqqa senimmen!" atty uranmen ótken avtosherý aımaqtaǵy qarjylyq saýattylyqty arttyrýǵa septigin tıgizdi.
Qarjy keńesshisi - qarjy qyzmetteri týraly aqparattyń negizgi kózi bolyp tabylady, sondyqtan, qarjylyq keńes berý tájirıbesin qoldap, damytý qajet. Bul týraly búgin Almatyda ótken arnaıy baspasóz máslıhatynda avtosherý uıymdastyrýshylary men qatysýshylary málim etti.
Esterińizge sala ketsek, "Qarjy jáne saqtandyrý" oqý-keńes berý ortalyǵy men Qazaqstannyń qarjy ınstıtýttarynyń birige uıymdastyrýymen ótken avtosherý maýsym aıynyń 22-i kúni ońtústik astanadan bastaý alyp Almaty, Balqash, Jezqazǵan, Semeı, Jezkent, Óskemen, Ýstalovka, Beloýsovka, Taldyqorǵan baǵyty boıynsha ótken bolatyn. Onyń maqsaty - halyqtyń qarjylyq saýattylyǵyn arttyrý, sondaı-aq qarjy ónimderi men qarjylyq qyzmet kórsetýdi damytý. Ár qalada avtosherý qatysýshylary óndiris qyzmetkerleri men qarjy uıymdarynyń ókilderimen kezdesip, ár túrli qarjylyq quraldarǵa arnalǵan tanystyrylymdar ótkizip, halyq kókeıindegi suraqtarǵa jaýap berdi. Avtosherýdiń bas seriktesi - "Qazaqmys" jınaqtaýshy zeınetaqy qory, qoldaý bildirgender - "Kazkommerts Polıs" SQ AQ, "Áýletti" JShS jáne Qazaqstan Kcell kompanııasy.
"Eki aptaǵa sozylǵan avtosherý barysynda halyqpen ótken dıolog eki jaqqa da paıdaly boldy. Halyq sapaly aqparat, al qarjygerler óz qyzmetin qaı baǵytta damytý kerek ekendigin anyqtaýǵa múmkindik aldy. Bul formada tańdap alynǵan tanystyrylym qoǵamdy qarjylyq saýattylyqty arttyrý máselesine nazar aýdartýdyń tıimdi sharasy ekendigin kórsetti. Sondyqtan, bul sharany biz jyl saıyn ótkizip turýǵa sheshim qabyldadyq", dedi ""Qarjy jáne saqtandyrý" oqý-keńes berý ortalyǵynyń dırektory Vladımır Pıskýnov.
"Kazkommerts Polıs" SQ AQ Basqarma tóraǵasynyń orynbasary Nuradil Moldaǵazıevtiń aıtýynsha, kóptegen saqtandyrýshylarmen ótken kezdesýler, qazaqstandyq saqtandyrý naryǵyndaǵy qandaı saqtandyrý ónimin alýǵa bolatyndyǵy jaıynda aqparattardyń joqtyǵyn kórsetti. «Sondyqtan saqtandyrýshylardyń ózderi halyq arasyna baryp, óz saqtandyrý baǵdarlamasy týraly aqparattardy tutynýshylaryna jetkizgende ǵana artatyn bolady», dedi ol.
