Qarjylyq monıtorıng agenttigi «Qazaqfılmde» tintý júrgizip jatyr degen aqparat - feık
NUR-SULTAN. QazAqparat - Qarjylyq monıtorıng agenttigi «Qazaqfılm» aktsıonerlik qoǵamynda tintý júrgizý týraly taraǵan aqparatty joqqa shyǵardy, dep habarlaıdy QazAqparat.
Atap aıtqanda, agenttiktiń ortalyq apparaty jáne aýmaqtyq departamentteri «Qazaqfılmge» qatysty sotqa deıingi tergep-tekserý júrgizip jatqan joq.
Sonymen birge, Qylmystyq kodekstiń 274-babyna sáıkes kórineý jalǵan aqparat taratý úshin bas bostandyǵynan aıyrýǵa deıin qylmystyq jaýapkershilik qarastyrylǵan.
Osyǵan baılanysty agenttik aqıqat emes aqparatty taratpaýǵa jáne tek resmı aqparat kózderine senim bildirýge shaqyrady.
