Qarjylyq daǵdarys korporatıvtik basqarýdyń negizgi máseleleri men álsiz tustaryn ashyp berdi
ALMATY. 26 qarasha. QazAqparat /Erlik Erjanuly/ - QR Qarjy naryǵy men qarjy uıymdaryn retteý jáne qadaǵalaý agenttiginiń basqarma bastyǵy Qýanyshbek Ábjanovtyń pikirinshe, qarjylyq daǵdarys korporatıvtik basqarýdyń negizgi máseleleri men álsiz tustaryn ashyp berdi. Bul oıyn ol búgin Almatyda ótip jatqan Korporatıvtik basqarý jónindegi ІІІ ortalyqazııalyq sammıttinde bildirdi.
"Qarjylyq daǵdarys korporatıvtik basqarýdyń negizgi máseleleri men álsiz tustaryn ashyp berdi. Olar: birinshiden - aktsıonerlik qoǵamdardy basqarý úderisinde dırektorlar keńesi men atqarýshy organnyń ókilettigi jetkilikti dárejede ajyratylmaǵan; ekinshiden - basqarýshy jumysshylardyń dárejelik talaptary bolmaýda; úshinshiden - aktsıonerlik qoǵamdardaǵy laýazymdy tulǵalarynyń qabyldaǵan sheshimderinde jaýapkershilik jetkiliksiz; tórtinshiden - korporatıvtik basqarý tájirıbesiniń negizgi quramdarynyń biri retinde qazirgi aqparatty ashý tájirıbesin odan ary jetildirýdiń qajettigi", - dedi Qýanyshbek Ábjanov.
Onyń sózine qaraǵanda, bul máselelerdiń bári aktsıonerlik qoǵamdarda táýekeldi basqarýdyń tıimdi júıesi bolmaǵandyqtan týyndap otyr. Baǵaly qaǵazdar jónindegi komıssııalardyń halyqaralyq uıymy (IOSCO) táýekeldi basqarý júıesin táýekel-menedjmenti júıesi quraldarynyń biri belgileýde. Ol táýekeldi anyqtaý, baǵalaý men monıtorıngke qajetti aqparatty jınaýdy qamtamasyz etedi.
"Táýekeldi basqarý júıesin kóterýde tıimdi sharalardyń biri aktsıonerlik qoǵamdardaǵy ishki aýdıttiń tıimdiligin arttyrý. Іshki aýdıt pen ishki baqylaýdyń tıimdi júıesiniń bolýy korporatıvtik basqarýdyń halyqaralyq tájirıbesi boıynsha sáıkes aktsıonerlik qoǵamdardaǵy basqarý júıesi týraly shynaıy jáne táýelsiz baǵalaýlar alýǵa múmkindik beredi", - deıdi Q. Ábjanov.
