Qarjylyq daǵdarys álemde adamdardyń óz-ózine qol jumsaý sanyn arttyrdy
ASTANA. 18 qyrkúıek. QazAqparat - 2008 jyldyń qarjy daǵdarysy álemde adamdardyń óz-ózine qol jumsaý áreketterin arttyrdy, ásirese er azamattardyń arasynda bul úrdis joǵarylady. Bul jaıynda brıtandyq medıtsınalyq jýrnalda habarlanǵan, dep jazady VVS.
Ulybrıtanııa men Gonkong zertteýshileriniń málimetinshe, qalypty deńgeıge qaraǵanda 2009 jyly óz-ózine qol jumsaý 5 myńǵa artyq bolǵan. Belgili bolǵandaı, Eýropadaǵy jastardyń kópshiligi jáne AQSh-tyń orta jastaǵy er azamattary kenetten jumyssyz bolýyna baılanysty óz ómirin úzý arqyly problemadan qutylamyz degendi ustanǵan kórinedi.
Sonymen qatar óz-ózine qol jumsaýǵa talpynǵandardyń da sany eleýli ósken kórinedi.
