Qarjylyq buzýshylyqtardy zertteý ortalyǵynyń jańa dırektory taǵaıyndaldy
taǵaıyndaldy.
QR zańnamasyna sáıkes, respýblıkalyq bıýdjettiń oryndalýyna baqylaý jasaý boıynsha Esep komıtetiniń «Qarjylyq buzýshylyqtardy zertteý ortalyǵy» Respýblıkalyq memlekettik kásipornynyń dırektory baıqaý negizinde Eseptik komıtettiń tóraǵasy bolyp taǵaıyndalady.
Qýanysh Jumabekuly Asylov 1973 jyldyń 14 naýryzynda Almaty oblysynda dúnıege kelgen. Úzdik bitirgen úsh joǵary bilimi bar: zańgerlik, ekonomıkalyq jáne basqarýshylyq. Áleýmettik bilimder magıstri. Memlekettik sasat jáne basqarý magıstri. AQSh-tyń Dıýk Ýnıversıtetiniń Senford memlekettik saıasat mektebin (Sanford School of Public Policy Duke University USA) támamdaǵan.
1995-2002 jyldary - bıznes qurylymdardaǵy basqarýshylyq qyzmetterin atqarǵan. 2002-2010 jyldary memlekettik qyzmettegi túrli jumystar istedi. 2010-2011 jyldary - QR Prezıdenti janyndaǵy Memlekettik basqarý akademııasynyń Memlekettik saıasat Ulttyq mektebiniń magıstranty.
QR Prezıdentiniń, QR Prezıdenti Ákimshiligi jetekshisiniń, Astana qalasy ákiminiń jáne QR Prezıdenti isterin basqarýshysynyń Qurmet gramotalarymen jáne Alǵys hattarymen marapattalǵan.
«Astananyń 10 jyldyǵy», «Qazaqstan Respýblıkasynyń Táýelsizdigine 20 jyl» mereıtoılyq medaldarymen marapattalǵan.