Qarjylyq buzýshylyqtar qaı salada jıi kezdesedi

ASTANA. QazAqparat - QR Qarjy mınıstrligi Býhgalterlik esep, aýdıt jáne baǵalaý ádisnamasy departamentiniń dırektory Arman Bekturova qarjylyq buzýshylyqtar jıi kezdesetin salalardy atady, dep habarlaıdy QazAqparat tilshisi.

Arman Bekturovanyń aıtýynsha, Іshki memlekettik aýdıt komıteti ótken jyly 1455 aýdıtorlyq shara ótkizgen.

«Tekserý qorytyndysyna sáıkes, qurylys jáne memlettik satyp alý salasy memlekettik aýdıt turǵysynan eń osal salalar bolyp tabylady», - dedi Arman Bekturova Ortalyq kommanıýkatsııalar qyzmetinde ótken baspasóz máslıhatynda. 

Departament dırektory atap ótkendeı, anyqtalǵan buzýshylyqtardyń 40 paıyzy qurylys salasyna tıesili bolyp otyr.

«Esep komıtetiniń tekserýleri týraly aıtar bolsaq, kóp jaǵdaıda býhgalterlik esepti engizý erejeleri saqtalmaı jatady. Álbette, obektıvti jáne sýbektıvti sebepter barshylyq», - deıdi ol.

Qarjy mınıstrligi memlekettik satyp alý salasynda aýqymdy reformalardy júzege asyryp jatyr. Sonymen birge, Arman Bekturovanyń aıtýyna qaraǵanda, 2019 jyly aqparattyq resýrstar ıntegratsııalanatyn bolady.

«Osy jumystardyń arqasynda kelesi jyldan bastap jalpy salalardaǵy qarjylyq buzýshylyqtardyń deńgeıi ózgeriske ushyrap, buzýshylyqtardyń sany qysqaratyny anyq», - deıdi ol.