Qarjygerler «Halyqtyq ІRO baǵdarlamasyna» belsendi túrde qatysady - Qazaqstan qarjygerler qaýymdastyǵy keńesiniń tóraǵasy
ALMATY. 7 qarasha. QazAqparat - Kógildir fıshkalardy eń keminde 10 jylǵa satyp alý kerek. Qazaqstan qarjygerler qaýymdastyǵy keńesiniń tóraǵasy Serik Ahanov búgin Almatyda «QazTransOıl» AQ basshylyǵynyń qarjy naryǵyna qatysýshylarmen jáne jeke ınvestorlarmen bolǵan kezdesýinde osyndaı pikir bildirdi.
«ІRO - barshaǵa ortaq eńbek qoǵamyn qurýdyń irgetasy. Saıası jáne qarjylyq turǵydan alyp qaraǵanda da bul óte mańyzdy aspektiler. Qazaqstandaǵy 52 myń qarjygerdiń 47-i myńy Almatyda jumys jasaıdy. Biz, qarjygerler «Halyqtyq ІRO baǵdarlamasyna» belsendi túrde qatysamyz», - deıdi Serik Ahanov. Onyń aıtýynsha, aktsııalardy jeke tulǵalardan keıin zeınetaqy jınaqtaý qorlary satyp alady. Oǵan ókinishke oraı kóp jaǵdaıda asa qatty mán berilmeı júr. Qazaqstanda 8,5 myńnan astam zeınetaqy jınaqtaý esep shottary bar. Al «Halyqtyq ІRO baǵdarlamasyna» qatysatyn 11 zeınetaqy jınaqtaý qory onda el turǵyndarynyń jartysynyń múddesin qorǵaıdy. Sondyqtan bul shyn máninde de halyqtyq ІRO.
