Qarjyger Kamal Shókenovtiń qurmetine shaǵyn fýtboldan týrnır ótti
QYZYLORDA. QazAqparat- 21-22 qańtar kúnderi Qyzylorda qalasyndaǵy «Evrazııa» sport kesheninde QR eńbek sińirgen ekonomısi, elimizge belgili qarjyger Kamal Shókenovti eske alýǵa arnalǵan shaǵyn fýtboldan oblystyq týrnır ótti.
Bıyl 6-shy márte uıymdastyrylǵan jarysqa qarjy mekemelerinen 8 komanda qatysyp, úzdikteri anyqtaldy. Bul týraly QazAqparat tilshisi oblystyq dene shynyqtyrý jáne sport basqarmasyna silteme jasap habarlady.
Jarys qorytyndysynda oblystyq Memlekettik kirister departamenti birinshi oryndy ıelendi. QR Ulttyq banki Qyzylorda fılıalynyń komandasy - ekinshi, oblystyq qarjy basqarmasynyń komandasy úshinshi orynǵa taban tiredi.
«Úzdik qaqpashy» nomınatsııasy boıynsha Nurjan Qalıev (Memlekettik kirister departamenti), «Úzdik qorǵaýshy» - Nursultan Sultanbekov (ekonomıka basqarmasy), «Úzdik shabýylshy» - Dáýren Serǵazıev (Memlekettik kirister departamenti), «Mergen oıynshy» - Keńes Mahanbetov (QR Ulttyq banki), «Úzdik oıynshy» atalymynda Erlibek Tólegenov (qarjy basqarmasy) marapattaldy.
Jeńimpaz jáne júldeger komandalar men nomınatsııa ıegerlerine dıplomdar, kýbok jáne aqshalaı syılyqtar tabystaldy.
