Qarjy jymqyrý: «Alataý» balalar klınıkalyq shıpajaıynyń dırektory kúdikke ilindi

NUR-SULTAN. QazAqparat – QR Sybaılas jemqorlyqqa qarsy is-qımyl agenttiginen «Alataý» balalar klınıkalyq shıpajaıynyń dırektory úıqamaqta otyrǵany málim boldy, dep habarlaıdy QazAqparat tilshisi.

Agenttik málimetine qaraǵanda, Almaty qalasy boıynsha Sybaılas jemqorlyqqa qarsy qyzmet tarapynan QR Densaýlyq saqtaý mınıstrligi «Alataý» balalar klnıkalyq shıpajaıy dırektoryna qatysty sotqa deıingi tergeý júrip jatyr. Ol 2015 jyldan 2021 jyldar aralyǵynda ózine paıda tabý maqsatynda laýazymdyq ókilettigin teris paıdalandy dep kúdikke ilindi. Bul rette ol iri somadaǵy qarjyny ıemdendi degen aıyppen kúdikti bolyp otyr.

Kúdiktige qatysty úıqamaqta ustaý sheshimi qabyldandy.

Budan buryn QR Bala quqyqtary jónindegi ýákil Arýjan Saın «Alataý» balalar klnıkalyq shıpajaıynda qarjy jymqyrý faktileri týraly aıtqan bolatyn.