Qarjy jáne saýda salalaryn bıýrokratııadan aryltý baǵytynda taldaý júrgiziledi
Іs-sharaǵa qarjy, saýda mınıstrlikteriniń jáne olardyń aýmaqtyq bólimsheleriniń, respýblıkalyq mańyzy bar qala, oblys ákimdikteriniń basshylary, Astana memlekettik qyzmet habynyń sarapshylary, qoǵamdyq keńestiń músheleri, azamattyq jáne bıznes sektordyń ókilderi qatysty.
Kún tártibinde memlekettik apparatty bıýrokratııadan aryltý baǵytynda jumys toptarynyń aldaǵy ýaqytta júrgizetin taldaý algorıtmi talqylandy.
Osy jyldyń birinshi jartyjyldyǵynda taldaý jumystary qarjy jáne saýda salalary, onyń ishinde kásipkerlikti júrgizý baǵyttary boıynsha ótkiziledi.
Jıyn barysynda Darhan Jazyqbaev memlekettik organdardaǵy bıýrokratııa – bıznesti damytýdaǵy basty kedergilerdiń biri bolyp otyrǵanyn atap ótti. Josparlanyp otyrǵan jumystardyń negizgi nátıjesi shaǵyn jáne orta bıznesti qolaıly júrgizýdi qamtamasyz etýge tikeleı áserin tıgizý kerektigi aıtyldy.
Taldaý júrgizý úshin qarjy jáne saýda salalarynda ortalyq jáne óńirlik deńgeılerde jumys toptary qurylǵan.
Jumys toptarynyń quramyna agenttiktiń, salalyq mınıstrlikterdiń jáne olardyń aýmaqtyq bólimsheleriniń basshylary, azamattyq jáne bıznes sektor ókilderi, sarapshylar men zańgerler – jalpy 1 300-den asa azamat kirdi.
Taldaý jumystary qarjy salasynda – 1 500-den astam (1663) fýnktsııany, saýda salasynda 400-ge jýyq (397) fýnktsııany qamtymaq. Josparlanyp otyrǵan jumys respýblıkalyq deńgeıde – 54 memlekettik organdar men uıymdarda ótedi, óńirlerde bul san 1 123-ke deıin jetedi.
