Qarjy polıtsııasynyń organdary Edgar Saldýzıǵa qatysty qandaı da bir isti tekserip jatqan joq
ASTANA. Qyrkúıektiń 3-i. QazAqparat /Gúlnara Jandaǵulova/ - Qarjy polıtsııasynyń organdary Edgar Saldýzıǵa qatysty qandaı da bir isti tekserip jatqan joq, - dep habarlady brıfıng barysynda Qarjy polıtsııasynyń resmı ókili Murat Jumabaı.
«Almaty aýyr mashınaqurylys zaýyty» AQ-nyń aktsııalaryn alaıaqtyq jolmen qolǵa túsirgen Edgar Saldýzıǵa qatysty buryn qozǵalǵan qylmystyq iske keletin bolasaq, QR Qylmystyq kodeksiniń 67 babyna sáıkes shyǵynnyń tolyqtaı ornyn toltyryp, zardap shekken tarappen mámlige kelýine baılanysty, is toqtatylǵan», - dedi resmı ókil.
Kásipker bir aptadan astam ýaqyt buryn joǵalyp ketti. Demalys kúni ol burynyraq belgilengen kezdesýge barý úshin Almatynyń joǵary jaǵynda ornalasqan óz úıinen shyqqan. Sodan beri onyń qazir qaıda ekendigi belgisiz.
