Qarjy polıtsııasynyń laýazymdy qyzmetkerleri attestattaýdan ótetin kún belgilendi
ASTANA. 17 mamyr. QazAqparat - Qarjy polıtsııasynyń laýazymdy qyzmetkerleri attestattaýdan ótetin kún belgili.
Bul týraly búgin QR Ekonomıkalyq qylmysqa jáne sybaılas jemqorlyqqa qarsy kúres agenttiginde ótken brıfıng barysynda resmı ókili Murat Jumanbaı málim etti.
Agenttikpen qarjy polıtsııasy organdary qyzmetkerlerin kezekten tys attestattaýdan ótkizýge daıyndyq jumystary júrigizilip jatqandyǵyn atap ókten ol: «Synaqty joǵary attestattaý komıssııasynan ótetin qarjy polıtsııasynyń 73 qyzmetkeriniń 13-i aǵymdaǵy jylǵy 21 mamyrda QR Memlekettik qyzmet isteri akgenttiginde zańnamany bilý deńgeıin jáne logıkalyq oılaý qabiletin tekseretin testiden ótetin bolady», - dedi.
Resmı ókildiń atap ótýinshe, sonymen qatar olar 22 mamyrda Alataý sport kesheninde dene shynyqtyrý jáne áskerı normatıvterin tapsyrsa, al 23 mamyrda Densaýlyq saqtaý mınıstrliginiń mamandarymen Astana medıtsınalyq ýnıversıtetinde psıhologııalyq turaqtylyqty tekseretin suhbattasýdan ótedi. Sonymen qatar 25 mamyrda joǵary attestattaý komıssııasynda atalǵan qyzmetkerlermen suhbattasý bolady.
Sondaı-aq agenttik saıtynda iske qosylǵan «bul jerde siz attestattaý komıssııasynda attestattaýdan ótetin quqyq qorǵaý qyzmetkerleri týraly aqparatty kórsete alasyz degen» aıdarǵa azmattardan 10 hat kelip túskendigin aıtqan M.Jumanbaı: «Barlyq kelip túsken aryzdar tekserilýde jáne attestattaý komıssııanyń jumysynda eskeriletin bolady», - dedi.
