Qarjy polıtsııasynyń qyzmetkerleri 9 aıda salyq tóleýden jaltarý áreketteri boıynsha 689 qylmystyq is qozǵady
ASTANA. Qarashanyń 11-i. QazAqparat /Aıdar Ospanalıev/ - Qarjy polıtsııasynyń qyzmetkerleri aǵymdaǵy jyldyń 9 aıynda salyq tóleýden jaltarý áreketteri boıynsha 689 qylmystyq is qozǵaǵan.
Bul ótken jyldyń sáıkes merzimindegi kórsetkishterden 17 paıyzǵa kóp. Qozǵalǵan isterdiń 390-y sotqa joldandy. Bul málimetterdi búgin jýrnalıstermen bolǵan aptalyq brıfıngte Ekonomıkalyq qylmysqa jáne sybaılas jemqorlyqqa qarsy kúres agenttiginiń resmı ókili Murat Jumanbaı málim etti, dep habarlaıdy QazAqparat.
Onyń keltirgen derekterine qaraǵanda, aıaqtalǵan ister boıynsha memleketke kelgen shyǵyn kólemi 41 paıyzǵa artyp, 33 mıllıard 356,5 mıllıon teńgeni qurady. Onyń 16 mıllıard 106,5 mıllıon teńgesi óndirilip alyndy. Jalǵan kásiporyndardyń kontragentterinen 11 mılllıard 700 mıllıon teńge kólemindegi salyq qaıta eseptelinip alyndy. «Sondaı-aq memleketke kelgen shyǵyndy óteý úshin aıyp taǵylǵan azamattardyń 192,5 mıllıon teńge turatyn múlikterine toqtam salyndy», dedi resmı ókil.
