Qarjy polıtsııasynda joǵary laýazymdarǵa taǵaıyndalý úshin eki kepilger qajet
ASTANA. 6 naýryz. QazAqparat - Qarjy polıtsııasy agenttiginiń tóraǵasy Rashıd Túsipbekov qarjy polıtsııasy organdaryna qabyldaý jáne joǵary laýazymdarǵa taǵaıyndaý úshin qarjy polıtsııasynyń eki qyzmetkeriniń kepildemesi qajettigin bekitetin buıryqqa qol qoıdy.
Buıryq boıynsha, quqyq qorǵaý organdarynda keminde bes jyl qyzmet atqarǵan jáne tártiptik jazasy joq qarjy polıtsııasy organdarynyń qyzmetkeri kepilger bola alady.
Joǵary laýazymdarǵa aýysatyn qyzmetkerlerge olardyń laýazymdarynan joǵary turǵan nemese teń dárejeli laýazymdaǵy áriptesteriniń kepildemesi qajet.
Atalǵan shara qarjy polıtsııasy jeke quramynyń jaýapkershiligi men tártibin kúsheıtýge múmkindik beredi.
Kepildeme berilgen adam tıisti laýazymǵa taǵaıyndalǵan ýaqyttan bastap eki jyl ishinde sybaılas jemqorlyq quqyq buzýshylyq, qarjy polıtsııasy organdaryna kir keltiretin teris qylyq nemese laýazymdyq mindetterin oryndaý kezinde qyzmettik tártipti óreskel buzǵan jaǵdaıda, kepilgerler Tártiptik komıssııa otyrysynda tyńdalady.
Eger kepildeme berilgen adam tıisti laýazymǵa taǵaıyndalǵan ýaqyttan bastap bir jyl ishinde óziniń qyzmettik mindetterin úlgili oryndasa, kepilgerler qarjy polıtsııasy organdarynyń joǵary bilikti basshy quramyn qurýǵa qatysqany úshin kótermelenetin bolady.
