Qarjy polıtsııasynda jańa taǵaıyndaýlar oryn aldy

ASTANA. 30 qazan. QazAqparat - Búgin Qazaqstan Respýblıkasy Ekonomıkalyq qylmysqa jáne sybaılas jemqorlyqqa qarsy kúres agenttigi (qarjy polıtsııasy) Tóraǵasynyń buıryǵymen Qaraǵandy oblysy boıynsha Ekonomıkalyq qylmysqa jáne sybaılas jemqorlyqqa qarsy kúres departamentiniń bastyǵy bolyp Artyqbaev Qanat Jańbyrbaıuly taǵaıyndaldy.

Taǵaıyndaýǵa deıin Q.J. Artyqbaev Almaty qalasy boıynsha ESJKD bastyǵynyń birinshi orynbasary laýazymyn atqarǵan.

Prokýratýra, Memlekettik Tergeý komıteti organdarynda, ishki ister jáne salyq polıtsııasy organdarynyń tergeý bólimshelerinde jumys istegen.

2012 jylǵy naýryzdan Almaty qalasy boıynsha ESJKD bastyǵynyń orynbasary, 2012 jylǵy jeltoqsannan Almaty qalasy boıynsha ESJKD bastyǵynyń birinshi orynbasary bolyp jumys istegen. Qarjy polıtsııasynyń polkovnıgi arnaıy ataǵy bar.

Almaty qalasy boıynsha ESJKD bastyǵynyń birinshi orynbasary bolyp buryn Pavlodar oblysy boıynsha ESJKD bastyǵynyń birinshi orynbasary laýazymyn atqarǵan Tańatarov Talǵat taǵaıyndaldy.

Prokýratýra organdarynda basshylyq laýazymarda jumys istegen.

2010 jylǵy sáýirden Pavlodar oblysy boıynsha ESJKD bastyǵynyń orynbasary, 2012 jylǵy jeltoqsannan Pavlodar oblysy boıynsha ESJKD bastyǵynyń birinshi orynbasary bolyp jumys istegen. Qarjy polıtsııasynyń polkovnıgi.