Qarjy polıtsııasy «Jastar jemqorlyqqa qarsy» respýblıkalyq keń aýqymdy aktsııasynyń bastalýyna arnalǵan baspasóz májilisin ótkizedi
ASTANA. Naýryzdyń 13-i. QazAqparat - Naýryzdyń 15-inde QR Ekonomıkalyq qylmysqa jáne sybaılas jemqorlyqqa qarsy kúres agenttigi QR Bilim jáne ǵylym mınıstrligimen birlese otyryp, «Jastar jemqorlyqqa qarsy» respýblıkalyq keń aýqymdy aktsııasynyń bastalýyna arnalǵan baspasóz májilisin ótkizedi. Bul aqparatty atalǵan vedomstvonyń baspasóz qyzmeti taratyp otyr.
Atalǵan aktsııa 2006-2010 jyldarǵa arnalǵan Sybaılas jemqorlyqqa qarsy kúrestiń memlekettik baǵdarlamasynyń sońǵy kezeńi aıasynda júzege asyrylmaq.
Aktsııanyń maqsaty - jastarda sybaılas jemqorlyqqa qarsy sana-sezim, jas býyn ókilderinde jemqorlyq kórinisterge qatysty jaǵymsyz kózqaras qalyptastyrý.
«Jastar jemqorlyqqa qarsy» aktsııasy 2010 jylǵy naýryzdyń 15-inde bastalyp, jeltoqsannyń 15-ine deıin jalǵasady. Osy ýaqyttyń ishinde respýblıkanyń barlyq bilim berý mekemelerinde qarjy polıtsııasy qyzmetkerleri bilim berý oryndarynyń qyzmetkerlerimen birlese otyryp, sybaılas jemqorlyqqa qarsy semınarlar men tárbıe saǵattaryn ótkizedi. Jospar boıynsha respýblıkada jumys isteıtin 7801 mektep, 214 kolledj jáne 145 joǵary oqý ornyn qamtý kózdelgen.
