Qarjy polıtsııasy zalaly 110 mlrd. teńgeden asatyn 500 qylmysty anyqtady
ASTANA. 17 qańtar. QazAqparat - Ótken jyly Qarjy polıtsııasynyń Ahýaldyq ortalyǵy málimetteri negizinde zalaly 110 mlrd. teńgeden asatyn 500 qylmystyq is qozǵalyp, 3,5 mlrd. teńgege jýyq bıýdjet qarajatyn tıimsiz paıdalaný joly kesildi.
QR Ekonomıkalyq qylmysqa jáne sybaılas jemqorlyqqa qarsy kúres agenttigi baspasóz qyzmetiniń habarlaýynsha, bul jaıynda vedomstvo basshysy Rashıd Túsipbekov málim etti.
«Ahýaldyq ortalyq taldaýshylarynyń jumysy reıdtik tekserister men adal kásipkerlerdiń jumysyna qol suǵý faktileriniń jolyn kesedi», - dedi ol.
Onyń atap ótýinshe, sybaılas jemqorlyqtyń aldyn alý sharasy retinde memlekettik organdarǵa jáne tártiptik keńesterge 470 usynys jiberildi. Usynystardy qaraý nátıjesinde jaǵymsyz sybaılas jemqorlyq áreketter jasaǵany úshin 349 laýazymdy tulǵa tártiptik jaýpkershilikke tartylyp, onyń ishinen 147-si jumystan shyǵaryldy.
Sonymen qatar, R.Túsipbekov sybaılas jemqorlyqtyń aldyn-alýda kreatıvti kózqaras, jańa nysandar men tásilderdi izdeý qajettigin atap ótti. «Memleket basshysynyń tapsyrmasyna sáıkes «Nur Otan» partııasymen belsendirek jumys isteý kerek. Óıtkeni bizdiń azamattarymyz kóbinese óz quqyqtaryn qorǵaý úshin partııaǵa júginedi ári sybaılas jemqorlyq týraly barlyq aqparattar da sonda túsedi», - dedi vedomstvo basshysy.
