Qarjy polıtsııasy vedomstvo qyzmetkerlerine iri kólemde para berýdiń jolyn kesti
ASTANA. 4 qarasha. QazAqparat - Shymkentte 28 qazanda Ońtústik Qazaqstan oblysy boıynsha qarjy polıtsııasy departamentiniń bólim basshysyna
«QazTransGazAımaq» AQ óndiristik fılıalynyń laýazymdy tulǵalaryna qatysty qylmystyq isti qysqartý úshin 1,5 mln.teńge para berdi degen kúdikpen atalǵan fılıaldyń burynǵy dırektory P.Qunanbaev ustaldy.
29 qazanda oǵan qatysty iri kólemde para berý faktisi boıynsha qylmystyq is qozǵaldy. 31 qazanda ol sot sanktsııasymen qamaýǵa alyndy.
Sondaı-aq, 26 qazanda Astana qalasy boıynsha qarjy polıtsııasy departamenti Ivanovqa qatysty qylmystyq is qozǵady.
Ol aǵymdaǵy jylǵy 13 tamyzda ózi kúdiktilerdiń biri bolyp tabylatyn jalǵan kásipkerlik boıynsha qylmystyq isti qysqartý úshin Astana qalasy qarjy polıtsııasy departamentiniń ınspektoryna 1 mln.teńge kóleminde para berdi dep aıyptalýda.
Ivanov 3 qazanda jalǵan kásipkerlik jáne salyq tóleýden jaltarý aıyptary boıynsha qamaýǵa alynǵan.
Qylmystyq ister tergelýde, nátıjeleri jurtshylyqqa jetkiziletin bolady, dep habarlady Qarjy polıtsııasynyń baspasóz qyzmetinen.
