Qarjy polıtsııasy usynǵan materıaldar boıynsha Joǵarǵy sotta bolyp jatqan «qubylystarǵa» anyq kóz jetedi - A. Mýsın
ASTANA. 14 sáýir. QazAqparat /Qanat Mámetqazyuly/ -Qarjy polıtsııasy usynǵan materıaldar boıynsha Joǵarǵy sotta bolyp jatqan «qubylystarǵa» anyq kóz jetedi.
Búgin QR Parlamenti Cenatynyń otyrysynda QR Joǵarǵy sotynyń birqatar sýdıalaryn qyzmetinen bosatý týraly máseleni qaraý barysynda QR Prezıdenti Ákimshiliginiń jetekshisi Aslan Mýsın osylaı málim etti.
«Qarjy polıtsııasy tarapynan tergeý júrgizildi. Bas prokýratýra qylmystyq is qozǵady. Al búgin biz óz tarapymyzdan Qarjy polıtsııasy usynǵan materıaldarmen tolyq tanysyp shyqtyq. Sosyn Joǵarǵy sotta bolyp jatqan «qubylystarǵa» anyq kóz jetti. Sondyqtan da, biz Senat aldyna sýdıalardy qyzmetinen bosatý týraly másele qoıyp otyrmyz. Tergeý jalǵasady, sot ótedi. Sol kezde ǵana baryp nátıje týraly aıta alamyz», - dedi Prezıdent Ákimshiliginiń basshysy Aslan Mýsın.
Esterińizge sala keteıik, Ekonomıkalyq qylmysqa jáne sybaılas jemqorlyqqa qarsy kúres agenttigi QR Prezıdentiniń atyna QR Joǵarǵy sotynyń sýdıasy qyzmetinen sýdıa Almaz Táshenova, Maqsat Ábilqaıyr, Márzııa Baltabaı, Saılaýbek Jákishev, Baqytjan Jaqypov, Marklen Qamnazarovtardy bosatý týraly usynys jasaǵan bolatyn. Olarǵa negizinen qyzmet babyn asyra paıdalana otyryp, sybaılas jemqorlyq qylmysqa bardy degen aıyp taǵylýda. Osyǵan qatysty birqatar faktilerdi Qarjy poıtsııasy usyndy. Qyzmetten bosaǵandar arasynda jaqynda ǵana Senat arqyly qyzmetine taǵaıyndalǵan sýdıa da bar bolyp shyqty.
