Qarjy polıtsııasy Tarazda oıyn bıznesiniń eki «núktesin» joıdy
TARAZ. 14 jeltoqsan. QazAqparat - Qarjy polıtsııasy Tarazda oıyn bıznesiniń eki «núktesin» joıdy, dep habarlady Jambyl oblysy boıynsha ekonomıkalyq qylmysqa jáne sybaılas jemqorlyqqa qarsy kúres departamentiniń baspasóz qyzmetinen.
«Qarjy polıtsııasynyń departamentine «Sonet» saýda úıinde jáne «BÝZ» dámhanasynda QR «Oıyn bıznesi týraly» Zańy buzylyp, aqshalaı utystardy beretin oıyn avtomattarynyń zaldary qyzmet etip otyrǵany týraly jedel aqparat kelip tústi. Qarjy polıtsııasy departamentiniń qyzmetkerleri oblystyq ІІD-niń «Arlan» arnaıy jasaǵymen birge «Sonet» saýda úıiniń oıyn avtomattary zalynda baqylaýlyq satyp alýdy ótkizdi. Satyp alýshy operatordan oıyn avtomatyn 2 myń teńgege toltyrýdy, biraz ýaqyt oınaǵan soń, ol jeńip alǵan 3 myń teńgeni sheship berýdi surady, osylaısha utys somasy 1 myń teńgeni qurady. Operator utys somasyn berdi», - delinedi oblystyq qarjy polıtsııasynyń baspasóz qyzmetinen.
«Sonet» SÚ-de túrli ataýlardaǵy 31 oıyn avtomaty, segiz oryndyq eki «The American Roulette» oıyn rýletkalary, sondaı-aq 35 myń teńge kólemindegi aqsha alyndy. «BÝZ» dámhanasynda túrli ataýlardaǵy 30 oıyn avtomaty, segiz oryndyq eki «The American Roulette» oıyn rýletkalary, sondaı-aq 64 myń teńge men 300 AQSh dollary kólemindegi aqsha alyndy.
Atalǵan faktimen qylmystyq ister qozǵaldy, dep habarlaıdy Jambyl oblysytyq qarjy polıtsııasynan.
