Qarjy polıtsııasy sybaılas jemqorlyqqa qarsy kúres zańnamasyn kúsheıtýdi kózdep otyr
ASTANA. 2 sáýir. QazAqparat - Qarjy polıtsııasy sybaılas jemqorlyqtyń aldyn alý, jolyn kesý jáne jazalaý júıesin jetildirýge baǵyttalǵan zań jobasyn ázirlep jatyr.
Bul týraly búgingi baspasóz máslıhatynda Qarjy polıtsııasynyń resmı ókili Murat Jumanbaı málim etti.
Onyń habarlaýynsha, qarjy polıtsııasy atalǵan zań jobasyn daıyndaý jumysyna qoǵamdyq uıymdar men azamattardyń keńinen aralasýyn qalap otyr. «Ol úshin Agenttiktiń www.finpol.kz resmı saıtynda 2-10 sáýir aralyǵynda «Halyqtyq quqyqshyǵarmashylyq» atty bólim jumys isteıtin bolady. Atalǵan bólimge árbir azamat óz usynystaryn qaldyra alady. Árbir usynys qarastyrylady, olardyń ózektileri jumys tobynyń talqylaýynan keıin «Sybaılas jemqorlyq quqyq buzýshylyq jasaǵany úshin qylmystyq jaýaptylyqty kúsheıtý arqyly aldyn alý, eskertý, jolyn kesý jáne jazalaý júıesin jetildirý boıynsha QR keıbir zańnamalyq aktilerge ózgertýler men qosymshalar engizý týraly» zań jobasyna engiziletin bolady», - deıdi M.Jumanbaı.
