Qarjy polıtsııasy Sý resýrstary komıteti tóraǵasynyń burynǵy orynbasaryn ustady
ASTANA. 29 tamyz. QazAqaparat - Keshe Qarjy polıtsııasy agenttiginiń qyzmetkerleri QR Aýyl sharýashylyǵy mınıstrligi Sý resýrstary komıteti tóraǵasynyń burynǵy orynbasary Arman Qumashevty ustady, dep habarlady vedomstvodan
Ol Sý resýrstary komıteti tóraǵasynyń orynbasary bola tura, Sátbaev atyndaǵy kanal úshin satyp alynyp otyrǵan gıdrokúshtik jabdyqtyń baǵasyn kótermeleý jolymen 1,2 mlrd. teńge bıýdjet qarajatyn urlady dep kúdiktelýde.
Budan basqa, Qumashev Sátbaev atyndaǵy kanaldyń qaıta qurýǵa bólingen 6,6 mlrd. teńge bıýdjet qarajatyn urlaýǵa oqtaldy degen kúdik bar.
Qarjy polıtsııasy organdarynyń aralasýynyń arqasynda atalǵan bıýdjet qarajatyn urlaýǵa jol berilmedi.
Oǵan qosa, Qumashev bıýdjet qarajatyn urlaýǵa baǵyttalǵan maqsatyna jetý úshin óz qyzmetttik ýákilettigin teris jáne asyra paıdalanyp, qyzmettik jalǵandyq jasaǵan dep kúdiktenýde.
28 tamyzda sońǵyǵa qatysty joǵaryda kórsetilgen faktiler boıynsha 3 qylmystyq is qozǵaldy.
Qazir oǵan qamaýǵa alý túrindegi bultartpaý sharasyn taǵaıyndaý máselesi sheshilýde.
Qylmystyq ister tergelýde, nátıjeleri jurtshylyqqa jetkiziletin bolady.
