Qarjy polıtsııasy Salyq komıtetiniń burynǵy qyzmetkerine qatysty taǵy 8 qylmystyq is qozǵady
ASTANA. QazAqparat - Aqmola oblysynyń qarjy polıtseıleri elimizdiń salyq komıtetiniń burynǵy qyzmetkeri N.Nurbaevtyń jalǵan kásipkerligine qatysty jańa faktilerdi anyqtady, dep habarlaıdy departamenttiń baspasóz qyzmetinen.
2014 jyldyń qańtar aıynda júrgizilgen jedel-izdestirý sharalary barysynda Nurbaevtyń basqa adamdarmen birigip, túrli adamdardyń atynan ádilet organdarynda 8 jalǵan kásiporyn ashyp, tirkep qoıǵan. Olardyń arasynda jumyssyzdar, buryn isti bolǵandar, sonymen birge, stýdentter de bar. Tergeý materıaldarynda Nurbaevtyń qylmystyq qyzmetiniń aýqymdylyǵy eldiń birneshe aımaǵyna, sonyń ishinde, Astana qalasy men Kókshetaý qalasy, Aqmola jáne Aqtóbe oblystarynyń aýdandaryna deıin taraǵany jazylǵan.
Salyq organdarynyń tujyrymdamasyna sáıkes, Nurbaevtyń jalǵan kásipkerligine qatysty faktiler boıynsha 2014 jyldyń qańtar aıynda QR QK 192-baby 2-tarmaǵynyń «b» tarmaǵy boıynsha 8 qylmystyq is qozǵaldy. Qazirgi ýaqytta Nurbaev qamaýǵa alynyp, qylmystyq is tergelip jatyr.
