Qarjy polıtsııasy respýblıka boıynsha 41 astyrtyn kazınonyń qyzmetin áshkereledi

Bul týraly búgin QR Ekonomıkalyq qylmysqa jáne sybaılas jemqorlyqqa qarsy kúres agenttiginde ótken brıfıng barysynda resmı ókili Murat Jumanbaı málim etti.

«Іri kólemde tabys ákeletin bıznes bolyp zańsyz kazınonyń qyzmeti sanalady. Qarjy polıtsııasy organdary respýblıka boıynsha 41 astyrtyn kazınonyń qyzmetin áshkereledi», - deıdi Murat Jumanbaı. Mysaly, Almaty qalasynda zańsyz elektrondyq kazıno qyzmeti anyqtalyp, onda 47 oıyn apparaty jáne 3 elektrondyq rýletka, oǵan qosa 1 mln.teńgeden astam aqshalaı qarajat alynǵan. Atalǵan mekemeniń qyzmetin uıymdastyrǵan Larıonovqa aıyppul salyndy. Toqtala ketetin jaıt, budan buryn, Larıonov 2010 jyly zańsyz elektrondyq kazıno qyzmetin uıymdastyrǵany úshin ákimshilik jaýapkershilikke tartylǵan bolatyn. 52 oıyn apparaty jáne elektrondyq rýletka men 240 myń teńge alynǵan edi.

«Sonymen qatar, Qaraǵandy qalasynda «Tamasha» kazınosynyń zańsyz qyzmeti toqtatyldy. Bul mekeme aqshalaı utyssyz jumys isteıtin salonnyń atyn búrkemelenip jumys istegen. Mekeme 5 qabatty úıdiń jertólesinde jumys istegen. Kazınoǵa tekserilgen tanys klıentter ǵana kirgizilgen. Qaraý barysynda 2 rýletka, 32 oıyn avtomaty jáne 4,1 myń AQSh dollary, 590 myń teńge alyndy. Kazıno ıegeri ıÝsýpov aıyppul tóleýge sottaldy. Al Aqtóbe qalasynda azamat Rogashkov osyndaı qylmysy boıynsha 1,5 mln.teńge somasynda aıyppul tóleýge kesildi. Ol 3,7 mln.teńge zańsyz tabys alǵan jasyryn kazıno qyzmetin uıymdastyrǵan. Sonymen qatar, atalǵan qalada «Mınarı» kafesiniń ǵımaratynda ornalasqan kazınodan 6 poker ústeli, 1 rýletka ústeli, 3 myńǵa jýyq oıyn fıshkalary alyndy, al tabylǵan 10 myń AQSh dollary jáne 2,3 mln.teńge memleket kirisine óndirildi», - deıdi resmı ókil.