Qarjy polıtsııasy para alǵany úshin Astana qalasy boıynsha Baqylaý jáne áleýmettik qorǵaý departamentiniń bólim bastyǵyn qamaýǵa aldy
ASTANA. 1 tamyz. QazAqparat - Qarjy polıtsııasy 200 myń teńge para alǵan Astana qalasy boıynsha Baqylaý jáne áleýmettik qorǵaý departamentiniń bólim bastyǵy K.Shaıhımovty qamaýǵa aldy.
Bul týraly Qarjy polıtsııasynyń baspasóz qyzmetinen málim etti.
«Jedel-izdestirý sharalarynyń nátıjesinde Qarjy polıtsııasy agenttigi qyzmetkerlerimen aǵymdaǵy jylǵy 25 shildede «TS-Alıans» JShS dırektorynan osy mekemeni tekserý boıynsha jaǵymdy sheshim shyǵarý úshin 200 myń teńge para aldy degen kúdikpen Astana qalasy boıynsha baqylaý jáne áleýmettik qorǵaý departamentiniń qurylys salasyndaǵy eńbek zańnamasyn baqylaý bóliminiń bastyǵy K.Shaıhımov ustaldy», delingen taratylǵan baspasóz habarlamasynda.
Osy kúni Shaıhımovke qatysty para alý faktisi boıynsha qylmystyq is qozǵaldy.
2012 jylǵy 27 shildede Shaıhımov sot sanktsııasymen qamaýǵa alyndy.
«Jalpy aǵymdaǵy jylǵy 6 aıda qarjy polıtsııasy organdarymen paraqorlyqtyń 316 faktisi anyqtaldy, bul ótken jyldyń osy kezeńimen salystyrǵanda 10%-ǵa artyq»,- dep qosty Qarjy polıtsııasynan.
