Qarjy polıtsııasy organdarynda jaýap berý kezinde J.Dosqalıev ınsýltqa ushyrady degen aqparat shyndyqqa sáıkes kelmeıdi

Bul týraly búgin elordada ótken baspasóz máslıhaty barysynda QR Ekonomıkalyq jáne sybaılas jemqorlyqqa qarsy kúres agenttiginiń resmı ókili Murat Jumanbaı málim etti.

«Birqatar BAQ-tardaǵy qyrkúıektiń 25-inde Qarjy polıtsııasy organdarynda jaýap berý kezinde Dosqalıev ınsýltqa ushyrady degen aqparat shyndyqqa sáıkes kelmeıdi. Mınıstrden jaýap qyrkúıektiń 22-sinde, onyń qorǵaýshysynyń qatysýymen alyndy. Al osydan keıin eshqandaı tergeý amaldary júzege asyrylǵan joq», dedi resmı ókil óz sózinde.

Onyń aıtýynsha, qyrkúıektiń 25-inde Dosqalıev kúdikti retinde QR Qylmystyq is júrgizý kodeksiniń 142-shi babynyń negizinde ustalyp, medıtsınalyq tekserýden keıin Astana qalalyq ishki ister departamentiniń ýaqytsha ustaý ornyna qamalǵan.

Resmı ókildiniń atap ótýine qaraǵanda, ol densaýlyǵyna qatysty eshqandaı shaǵym aıtpaǵan. «Alaıda qyrkúıektiń 26-synda Astana qalalyq ІІD ýaqytsha ustaý ornynyń feldsherimen júzege asyrylǵan tańertegi medıtsınalyq tekserý kezinde onyń qan qysymynyń joǵary ekendigi anyqtalyp, medıtsınalyq jedel járdem shaqyryldy», dedi M.Jumanbaı.