Qarjy polıtsııasy organdary zańsyz aınalymnan 250 tonnaǵa jýyq etıl spırtin aldy

Bul týraly búgin brıfıng barysynda QR Ekonomıkalyq qylmysqa jáne sybaılas jemqorlyqqa qarsy kúres agenttiginiń resmı ókili Murat Jumanbaı málim etti.

«Qarjy polıtsııasy organdarynyń jedel-tergeý tájirıbesi kórsetkendeı, etıl spırti araq-sharap ónimin qoldan jasaýdaǵy basty komponentteriniń biri bolyp otyr. Qarjy polıtsııasymen zańsyz aınalymnan alynǵan etıl spırtiniń mólsheri 248 myń lıtrdi qurady», - dedi resım ókil.

Máselen, Qostanaı oblysynda aıyppul tóleýge jáne 1 jylǵa bas bostandyǵynan aıyrý jazasyna Dáýitov kesildi. Ol etıl spırtin saqtaý jáne satýmen baılanysty zańsyz kásipkerlik qyzmetpen aınalysyp, Lısakovsk qalasynda atalǵan ónimniń 8 myń lıtrin zańsyz satqan. Oǵan qosa onyń qoımasynan quny 85,7 mln. teńgeni quraıtyn etıl spırtiniń 68 myń lıtri alynǵan.

«Ońtústik Qazaqstan oblysynda Mahanbetov 1 jylǵa bas bostandyǵynan aıyrý jazasyna kesildi. Ol tıisti lıtsenzııasyz etıl spırtin saqtaý jáne satýmen zańsyz aınalysqan, nátıjesinde 17,9 mln. teńge tabys tapqan», - dedi M.Jumanbaı.