Qarjy polıtsııasy munaıdyń zańsyz aınalymymen aınalysqan uıymdasqan qylmystyq topty áshkereledi
ASTANA. 11 shilde. QazAqparat - Arnaıy operatsııanyń nátıjesinde Qarjy polıtsııasy agenttigi men Aqtóbe oblysy boıynsha Qarjy polıtsııasy departamentiniń qyzmetkerleri
2012-2013 jyldary Aqtóbe qalasynda zańdylyǵyn rastaıtyn qujatsyz munaıdy tasymaldaý, satyp alý jáne satýmen aınalysqan, sondaı-aq jalǵan deklaratsııalaý arqyly kedendik ıdentıfıkatsııanyń nysandaryn jalǵan paıdalaný jolymen Kedendik odaqtyń kedendik shekarasynan munaı ónimderin asa iri kólemde ótkizýge oqtalǵan uıymdasqan qylmystyq toptyń qyzmetin áshkereledi. Bul týraly Qarjy polıtsııasy agenttiginen málim etti.
Aǵymdaǵy jylǵy 5 shildede qylmystyq toptyń músheleri - Qazaqstannyń 6 azamaty men Moldova Respýblıkasynyń 2 azamaty ustaldy.
Toptyń músheleri ózderiniń qylmystyq qyzmetin qarajylandyrý úshin Bagam araldaryndaǵy banktik esep-shottardy paıdalanǵan.
Uıymdasqan qylmystyq top Aqtóbe oblysyndaǵy konservatsııalanǵan munaı óndirý oryndarynan shamamen 739 tonna munaıdy urlaǵan.
Urlanǵan munaıdyń 365 tonnadan astam mólsherindegi bir bóligin uıymdasqan qylmystyq top músheleri alys shet elderge eksporttaǵan.
373 tonna mólsherindegi munaıdyń 2-shi bóligin eksportqa jiberý ústinde qylmystyq toptyń múshelerin qarjy polıtsııasynyń qyzmetkerleri ustady.
Qylmystyq toptyń múshelerine qatysty ekonomıkalyq kontarabandany jasaýǵa oqtalý, uıymdasqan qylmystyq topty qurý jáne onyń qyzmetine qatysý, sondaı-aq zańdylyǵyn rastaıtyn qujatsyz munaı men munaı ónimderin tasymaldaý, satyp alý jáne satý men munaıdy óńdeý faktileri boıynsha qylmystyq ister qozǵaldy.
Sot santsııasymen uıymdasqan qylmystyq toptyń barlyq músheleri qamaýǵa alyndy.
Qylmystyq is tergelýde, ózge aqparat tergeý múddesine baılanysty jarııalanbaıdy.
