Qarjy polıtsııasy men keden qyzmetiniń qatary 114 ofıtsermen tolyqty
ASTANA. 24 maýsym. QazAqparat - Astanada Qarjy polıtsııasy akademııasy túlekterin saltanatty shyǵaryp salý rásimi ótti,
dep habarlady Ekonomıkalyq qylmysqa jáne sybaılas jemqorlyqqa qarsy kúres agenttiginiń (qarjy polıtsııasy) baspasóz qyzmetinen.
«Zańtaný», «Quqyq qorǵaý qyzmeti» jáne "Keden isi" mamandyqtary boıynsha bilim alǵan Akademııanyń 114 tyndaýshysy qarjy polıtsııasy jáne keden qyzmeti ofıtserleriniń qataryna qosyldy.
Óz sózinde Qarjy polıtsııasy akademııasy bastyǵynyń ǵylymı-zertteý jumysyn jáne halyqaralyq yntymastaǵyn uıymdastyrý jónindegi orynbasary S.A. Arystanbaeva óz sózinde: «Búgin 114 túlegimiz Qazaqstannyń árbir aýmaǵyna barady. Olar elimizdiń ekonomıkalyq qaýipsizdigin qamtamasyz etýge jáne sonymen qatar sybaılas jemqorlyqpen kúresýge kirisedi. Elbasy N. Nazarbaev quqyq qorǵaý organdarynyń aldynda qoıǵan mindetterin bizdiń túlekterimiz úlgili atqarady dep kámil senemin, sebebi olardyń ishinde oqý, ǵylym, sport úzdikteri bar jáne onyń negizi Qarjy polıtsııasy akademııasynyń quramynda ǵalymdar, kandıdattar jáne doktorlar, Ph.D-doktorlary jáne magıstrleri, qarjy polıtsııasynyń jáne quqyq qorǵaý organdarynyń tájirıbeli qyzmetkerleri, pedagogıkalyq ótili mol kóp oqytýshylar bar. Búgin altyn uıasynyń ushyp ketken bizdiń túlektermizge tek qana jaqsylyq tileımiz», - dep atap ótti.
Akademııanyń jeke quramynyń, sondaı-aq qonaqtar men tyńdaýshylardyń, ata-analary nazaryna saltanatty shyǵarylym rásimine arnalǵan sherý boldy. Oqý alańynda áskerı orkestrdiń súıemeldeýimen kýrsanttar merekelik marshyn oryndady. Oǵan qosa Akademııa tyńdaýshylarynyń qyzmettik oqý-jattyǵýlary men urys tásilderi kórsetildi.
Eske sala ketsek, Qarjy polıtsııasy akademııasy 1999 jylǵy 18 tamyzda qurylǵan bolatyn.
TMD elderi úkimet basshylarynyń Keńesi 2007 jylǵy 25 mamyrda ıAlta qalasynda QR Ekonomıkalyq qylmysqa jáne sybaılas jemqorlyqqa qarsy kúres agenttiginiń (qarjy polıtsııasynyń) Qarjy polıtsııasy akademııasyna TMD-ǵa qatysýshy elderdiń salyqtyq (qarjylyq) tergeý organdary úshin kadrlardy daıarlaý jáne qaıta daıarlaý jónindegi bazalyq uıymy mártebesin berý týraly sheshim qabyldady.
Búgingi kúni Akademııa boıynsha tyńdaýshylar kontıngenti 436 adamdy quraıdy jáne olar kúndizgi oqytý bóliminde bilim alady. Akademııadaǵy oqý úderisiniń elimizdiń joǵary jáne vedomstvolyq oqý oryndarynan erekshiligi quqyqtaný pánderimen qatar ekonomıkalyq pánderdi tereńdetip oqytýynda. Tergeý-ekonomıkalyq jáne jedel-ekonomıkalyq mamandandyrylý boıynsha arnaıy kýrstardy (ekonomıkalyq jáne sybaılas jemqorlyq qylmystardy ashý jáne tergeý ádistemesi, ekonomıka salasyndaǵy qylmystardy saralaý, aldyn ala tergeý óndirisin uıymdastyrý jáne basqalar), saptyq jáne atys daıyndyǵyn zerdeleýge úlken kóńil bólinedi.
Budan basqa Qazaqstan Respýblıkasy Ekonomıkalyq qylmysqa jáne sybaılas jemqorlyqqa qarsy kúres agenttigi (qarjy polıtsııasy) men Tájikstan Respýblıkasy memlekettik qarjyny baqylaý jáne sybaılas jemqorlyqpen kúres agenttiginiń ózara kelisim-shart aıasynda qazirgi ýaqytta Akademııada Tájik elinen 10 tyńdaýshy bilim alýda.
2002-2012 jyldar aralyǵynda Qarjy polıtsııasy akademııasyn 1136 tyńdaýshy aıaqtady.
Akademııada kúndizgi oqytý fakýlteti jáne magıstratýra, sondaı-aq kásibı qaıta daıarlaý jáne biliktilikti arttyrý fakýlteti, jeti kafedra, jalpy jáne arnaıy kitaphanalar, 10 bólim jáne qyzmet jumys jasaıdy.
2009 jyldan bastap Ph.D doktorantýrasyna qabyldaý júzege asyrylady.
