Qarjy polıtsııasy memlekettik satyp alýlar kezinde qarajattyń ysyrap bolýyna tosqaýyl qoıady
ASTANA. QazAqparat - Qazaqstannyń Qarjy polıtsııasy memlekettik satyp alýlar kezinde qarajattyń ysyraptalýyna tosqaýyl qoımaq. Bul týraly búgin Sybaılas jemqorlyqqa jáne kóleńkeli ekonomıkaǵa qarsy is-qımyl jónindegi qoǵamdyq keńestiń otyrysynda Qarjy polıtsııasy aqparattyq-saraptamalyq departament basshysy Oljas Bektenov aıtty.
«Memlekettik organdar men kvazımemlekettik sektorǵa bıýdjettik qarajattyń árbir tıynyna deıin eseptiligin kúsheıtip, memlekettik satyp alýlar arqyly júzege asyrylatyn memlekettik qarajattyń kóp mólsherde ysyrap etilýin joıý qajet», - dedi ol.
Onyń aıtýynsha, memlekettik satyp alýlar salasyn jaılap alǵan sybaılas jemqorlyq osy satyp alýlardy júrgizýdiń múldem jańa joldaryn qarastyrýdy talap etedi. «Sondyqtan, merdigerdiń bıýdjettik qarajatty kelisimshart boıynsha jumsaý quqyǵyna onyń memleket pen qoǵam aldyndaǵy jumysynyń tolyqtaı ashyq túrde júrgizilýi jónindegi mindet qoıylýy qajet», - dedi O. Bektenov.
