Qarjy polıtsııasy M.Ábilezovtiń «QazMunaıGaz» aktıvteriniń zańsyz satylýyna qatysty túsirgen ekinshi shaǵymy boıynsha tekserý sharalaryn bastady

Bul týraly búgin Bas prokýratýranyń resmı ókili Nurdáýlet Súıindikov jýrnalıstermen bolǵan aptalyq brıfıngte málim etti, dep habarlaıdy QazAqparat.

Resmı ókildiń sózine qaraǵanda, Bas prokýratýra Ábilezovtyń aryzyn alǵan jáne ol aqpannyń 8-i men 15-i aralyǵynda tirkelgen. «Ábilezovtyń alǵashqy shaǵymyn biz Ekonomıkalyq qylmysqa jáne sybaılas jemqorlyqqa qarsy kúres agenttigine joldaǵan bolatynbyz. Bul joly da solaı istedik. Qazirgi tańda qarjy polıtsııasynyń ókilderi bul shaǵym boıynsha tekserý jumystaryn osyǵan deıingi tekserýler negizinde jalǵastyrýda. Ázirge tek tekserý júrip jatqandyǵyn ǵana rastaı alamyn jáne tekserý sharalary qylmystyq zanamalar negizinde júrgizilýde», dedi rsemı ókil.