Qarjy polıtsııasy laýazymdy tulǵalardyń zańdy kásipkerlik qyzmetke arlasýynyń 45 faktisin anyqtady

Bul týraly búgin elordada QR Ekonomıkalyq qylmysqa jáne sybaılas jemqorlyqqa qarsy kúres agenttiginiń resmı ókili Murat Jumanbaı málim etti.

«2011 jylǵy 3 aıda qarjy polıtsııasy organdarymen laýazymdy tulǵalardyń zańdy kásipkerlik qyzmetke arlasýynyń 45 faktisi anyqtaldy. Ótken jyldyń osy kezeńinde osyndaı 25 fakt áshkerelengen edi. Sotqa osy sanattaǵy 14 qylmystyq is joldandy, 2 adam sottaldy. Bundaı faktilerdiń jartysyna jýyǵyn sheneýnikterdiń bıznesmenderden para bopsalaýy quraıdy», - dedi ol.

Onyń atap ótýinshe, qarjy polıtsııasy organdarynyń jedel-tergeý tájirıbesi barysynda laýazymdy tulǵalardyń tarapynan kásipkerlik qyzmetke zańsyz aralasý jaǵdaılarynyń kópshiligi memlekettik organdarmen júrgiziletin tekseris kezinde oryn alatyndyǵy belgili bolǵan.

«Máselen, Aqtóbe oblysynda sanıtarlyq-epıdemıologııalyq komıtetiniń qalalyq departamentiniń bas mamany Shańgereev 3 jylǵa bas bostandyǵyn aıyryldy. Ol "TransOılGazTreıd" JShS dırektorynan Qarǵaly aýylyndaǵy Geologtardyń mádenıet úıin gazben qamtamasyz etý ǵımaratyn sanıtarlyq-epıdemıologııalyq qaraýdyń oń aktisin berý úshin 30 myń teńge para alǵan», - dedi resmı ókil.