Qarjy polıtsııasy Qytaıdan 3 jyl boıy izdeýde júrgen azamatty ekstradıtsııalady
ASTANA. 10 shilde. QazAqparat - Qarjy polıtsııasy agenttiginiń qyzmetkerleri Qytaı Halyq Respýblıkasynan 2010 jyldan izdeýde júrgen azamatty ekstradıtsııalady, dep habarlady vedomstvonyń baspasóz qyzmetinen.
Aǵymdaǵy jylǵy 7 shildede Qarjy polıtsııasy agenttigi men Qazaqstan Respýblıkasy Bas prokýratýrasynyń qyzmetkerleri «Akmolasvıazstroı» AQ-na tıesili 239,5 mln. teńgeni urlady degen aıyppen 2010 jylǵy naýryzda halyqaralyq izdeýge jarııalanǵan D. Kedelbaevty Qytaı Halyq Respýblıkasynan ekstradıtsııalady.
Kedelbaev aǵymdaǵy jylǵy maýsymda Beıjiń qalasynda QHR quqyqqorǵaý organdarymen ustalǵan bolatyn.
Ol «Akmolasvıazstroı» AQ-na tıesili 2 ǵımaratty jáne avtojýý ornyn óz atyna zańsyz rásimdep, kásiporynǵa 239,5 mln. teńge zalal keltirdi dep aıyptalýda.
Búgingi kúni ol Astana qalasynyń ІІD tergeý abaqtysyna toǵytyldy.
