Qarjy polıtsııasy qoldan jasalǵan aqshalardy esepke alý bazasyn jasaıdy
ASTANA. 18 sáýir. QazAqparat - Jalǵan aqsha jasaýmen aınalysatyndardyń áreketine toıtarys berý maqsatynda Qarjy polıtsııasy keshendi sharalar qabyldaýda. Onyń ishinde qoldan jasalǵan aqshalardy aqparattyq-saraptamalyq esepke alý bazasyn qurý da bar. Bul týraly Ekonomıkalyq qylmysqa jáne sybaılas jemqorlyqqa qarsy kúres agenttiginiń baspasóz qyzmetinen habarlandy.
Agenttik málimetterine qaraǵanda, jalǵan aqshany eń kóp jasaý faktileri Astana men Almaty qalalarynda tirkelgen. Jedel tájirıbelik sharalar kórsetkendeı, eń kóp jasalatyn jalǵan aqshalar eski nusqadaǵy 10 myń teńgelik (2417 dana) jáne 2 myń (2492 dana) teńgelik banknottar bolyp otyr.
Jalpy, 2012 jyly qarjy polıtsııasy organdary 15 jasyryn tseh jumysyna tosqaýyl qoıyp, jalǵan aqsha jasap satýǵa qatysty 2878 qylmystyq is qozǵaǵan. Bul 2011 jylmen salystyrǵanda 5 esege artyq. Budan bólek, jalpy nomınaldyq quny 40 mln teńgeni quraıtyn 7 myń jalǵan aqsha banknottary tárkilengen. Onyń ishinde ulttyq valıýtadaǵy 6640 aqsha alynyp, ol 34,6 mln teńgeni quraǵan. Sonymen qatar 335 dana jalǵan 100 dollarlyq AQSh banknottary tárkilengen.
