Qarjy polıtsııasy «Qazatomprom» AQ qarajatyn qymqyrǵan kúdiktini ustady
ASTANA. QazAqparat - Qarjy polıtsııasy «Qazavtomprom» Ulttyq kompanııasy» AQ-nyń qarajatyn jymqyrdy degen kúdikpen kásipker Rozmat Álibekovty ustady, dep habarlady vedomstvonyń baspasóz qyzmetinen.
«2014 jylǵy 15 naýryzda Qarjy polıtsııasy agenttiginiń qyzmetkerleri «Syrdarııa-joba Qurylys» JShS-nyń dırektory Álibekov Rozmatty ustady. Ol qurylys jumystaryn júrgizý úshin merdiger óz fırmasyna bólingen «Qazatomprom» Ulttyq kompanııasy» AQ-nyń 1,3 mıllıardtan astam qarajatyn jymqyrdy dep aıyptalýda», - delingen habarlamada.
Qarjy polıtsııasynyń derekterine súıensek, R.Álibekov QR ІІM arnaıy esebinde uıymdasqan qylmystyq toptyń basshysy retinde tirkelgen. R.Álibekovke qatysty bultartpaý sharasyn qoldaný týraly másele sheshilýde, qylmystyq is tergelý ústinde. Tergeý isiniń múddesindegi ózge aqparattar taratylmaıdy, dep atap ótti vedomstvoda.
